Bi partidu jokatuko dituzte Txuri Urdineko neskek asteburu honetan
Bi partidu jokatuko dituzte Txuri Urdineko neskek asteburu honetan
Gasteizen arituko dira larunbatean (21.30) Sumendiren aurka eta Donostian, Granadaren aurka, igandean (15.15)
Bi partidu jokatuko dituzte asteburu honetan Txuri Urdineko neskek. Hilabete bateko atsedenaldiaren ondoren, Koldo Sanzek entrenatzen duen taldea Gasteizen arituko da larunbatean Sumendiren aurka (21.30). Igandean, Donostian, Granadaren bisita jasoko du 15.15-etan.
Oso gertu dauka Txuri Urdinek playofferako sailkapena. Puntu bakar batekin ziurtatuko du eta asteburu honetan eskuratzea espero du talde gipuzkoarrak. Zailagoa izango da Gasteizen etxean baino. Bigarren sailkatua da talde arabarra eta ekipo sendoa da. “Partidu latza” espero du Koldo Saenz entrenatzaileak Euskadiko hiriburuan. Irabaziz gero, donostiarrak arabarren bi puntura geratuko lirateke.
Granadaren aurkako partidua igandean jokatuko da Donostian eta neurketa guztiz ezberdina izango da hori, azkenengo tokian sailkatutak bait daude andaluziarrak. Nekea ez nabaritzea etxeko partiduan espero du entrenatzaileak: “Bi partidu segidan dauzkagu, baina neskak gogoz eta indartsu daude. Uste dut jende daukagula bi neurketak aurrera eramateko”.
Talde osoa edukiko du bere esanetara Koldo Saenzek eta momentu politenaren aurrean daudela goraipatzen du: “Liga bukarea, playoffa eta Kopa ditugu aurretik eta ilusioz gainezka hartzen dugu azken txanpa hau”.
Realeko bazkideak dohainik sartuko dira Txurin
Txuri Urdin eta Granada Grizzliesen arteko neurketa igandean 15.15-etan hasiko da eta bukatzerakoan Reala eta Hueskaren arteko neurketa hasiko da Anoetan (18.30-etan). Koinzidentzia hau dela eta, Txuri Urdinek Realeko bazkide guztiak gonbidatzen ditu nesken partidura. Dohainik sartuko dira hauek Realaren bazkide txartelarekin.
BAJAK:
Ez daude
SAILKAPENA:
JP PT
Majadahonda 10 30
Sumendi 11 27
Txuri Urdin 10 22
Huarte 11 14
Valdemoro 10 11
Logroño 8 9
Jaca 10 4
Granada 10 3
