Txuri Urdinek Johan Larsson suediarra fitxatu du

Johan Larsson suediarrak Txuri Urdinen jokatuko du denboraldia bukatu arte. 26 urteko jokalariak, Martin Jakovlevsek utzitako lekua beteko du. Letoniarrak taldea utziko du arazo pertsonalak direla eta.

Fitxaketa berria atzelaria da, baina bere lehenengo pausoak aurrelari bezala eman zituen. Horregatik “atzelari erasotzailea” bezala definitzen du bere burua estokolmon jaiotako jokalariak.

IF Malungs taldetik dator eta han hasi zen profesional moduan 09/10 denboraldian. Urte erdia jokatu zuen bere herrialdeko Falu taldean eta beste bat HA74 izenekoan. Iaz, Alemanian jokatu zuen, Ulm eta Bad Kissingen taldeetan, baino aurtengo denboraldia hasterakoan, IF Malungsera bueltatu zen.

4 partidu jokatu ditu 18/19 denboraldian suediako hirugarren mailan Txuri Urdinen eskaintza onartu baino lehen eta Donostiara iristen da “txapelduna izateko asmoarekin”. Ostiralean iritsi zen Gipuzkoara eta asteburuan hiria ezagutu ondoren, gaur bere taldekideak ezagutzeko aukera edukiko du. Entrenamenduan parte hartuko du Larssonek eta hurrengo larunbatean, Majadahondaren aurka, Txuri Urdinekin estreinatzeko aukera edukiko du.

Tito Marcelino, pozik

Tito Marcelino entrenatzailea pozik dago suediarraren fitxaketarekin, batez ere bere balio-aniztasunarengatik: “Atzelari eta aurrelari moduan jokatu dezake eta hori zen bilatzen ari ginena. Kanpoko partiduetan bajak dauzkagu atzekaldean, jokalari batzuk lan egin behar dutelako. Horregatik, atal horretan lagunduko digu Larssonek”, dio donostiarrak.

Marcelinorentzat, “Larssonek lagunduko digu  gure jokoa finkatzen eta lehenengo postua mantentzen denboraldia bukatu arte”.

JOKALARIAREN FITXA

JOHAN LARSSON

Jaiotze data: 13/11/1992

Lekua: Estokolmo (Suedia)

Jatorria: IF Malungs (Suedia)

Altuera/Pisua: 187 zm/83 kg

Postua: Atzelaria

BERE IBILBIDEA:

Denb.  Taldea            Txapelk. /Herrialdea            JP       G         A

08/09   Malungs IF     Sub-18/Suecia                        18        3          15

09/10   Malungs IF     Sub-18/Suecia                        14        15        36

09/10   Malungs IF     División 2 (4ª)/Suecia             13        2          2

10/11   Malungs IF     División 2 (4ª)/Suecia             23        7          12

11/12   Falu IF                        Sub-20/Suecia                        6          2          0

11/12   Malungs IF     División 3 (5ª)/Suecia             1          1          1

12/13   Malungs IF     División 3 (5ª)/Suecia             14        9          22

13/14   Malungs IF     División 3 (5ª)/Suecia             21        14        23

14/15   HA74              División 2 (4ª)/Suecia             1          0          0

15/16   Malungs IF     División 2 (4ª)/Suecia             19        4          9

16/17   Malungs IF     División 2 (4ª)/Suecia             25        1          11

17/18   Devils Ulm     Bayern L. 1/Alemania            14        2          7

17/18   Bad Kissingen            Bayern L. 1/Alemania            6          1          6

18/19   Malungs IF     División 1 (3ª)/Suecia             4          0          0